|
|
|
Galeria de Música da ESFERA |
|
Introduction: 唔經唔覺，我們四個人一齊夾band已經快5年了，在呢5年裏面，我們有開心過，失落過。從以前的SQUARE到現在的Sphere，從休團到重組，真的經歷過很多、很多。 記得以前我同Eigeus兩人一起有夾band的念頭到真正組成band，我本人當時都無甚麼夢想，只係覺得好好feel，一齊由未成熟到開始成形夾歌，路途上真是很困難，因為大家有大家的事忙，時間好難配合，而且要夾好一首歌，真的要有好好的默契同互相信賴，真係唔係咁容易！還記得我買的第一枝電結他時既感覺(Eigeus也在場)，那時真的好興奮，覺得唔再係玩玩下，有myself既樂器，有自己的音樂世界！ 記得當Geáro要離開我們到別處讀書時，大家已冇哂向心力，因冇了一個成員都好似怪怪地，feel都冇哂，同埋大家太忙，大部份時間都花在自己私人方面的事上，搞到大家有差唔多成年冇乜點聯絡過，舊studio又被業主迫遷(因冇交租)。當時我有同Ñarshês傾過呢個問題，但到最後都得唔到結論，所以就咁拖，一拖就成年 ... ...。 其實那一年，我並冇放棄對音樂的興趣，但始終冇動力，直到有一日，Eigeus叫我睇佢個homepage，當時個homepage只係有佢自己的資料，不過有一part係講到SQUARE，佢話SQUARE已經休團(homepage寫解散)，我睇到唔係咁開心，有些感觸，心諗大家的心血咁就白費了？我真係好想講俾佢知我仲未放棄，真的！ 直到有一日，Eigeus叫我和Ñarshês出來食飯，而當時咁好彩Geáro要返來一兩日，Eigeus說找到了新的band房，問我們是否想繼續，事實上他也明白我們根本不想放棄，於是商討重組，而這新的band房，是朋友介紹的，環境唔錯，有哂裝修，但還要做一些隔音。我們便在那時重組，成為現時的Sphere。 重組後，我們終於有真真正正的在陌生人面前表演(雖然並不算是正式公開的)，於是我們大家再次同心努力，終於成功演出，結果都算滿意，而且有難得的經驗！ 到99年9月，Eigeus叫我同佢一齊上北京表演，時間係9日，一去咁多日，我初時都很猶豫，因為對自己冇乜信心，而且又已經開學，要走成個禮拜堂，又要向公司(part-time job)取大假，不過我覺得係一個難得的經驗，可以離開本地表演，於是決定前去一試！而且演出比我預期的好，在那邊都幾受落，但最遺憾係Ñarshês同Geáro冇一齊上京，感覺有點失落，而且我在那一次係彈bass，始終覺得演出的成功感唔屬於我咁，真係奇怪我有咁諗法 ... ，可能我本身並不是負責彈bass吧！其後同一機構再次請我們表演，3次都係得我同Eigeus再加埋兩個前輩，而我又係彈bass，始終有些不太開心，唔知幾時先可以再同Ñarshês、Geáro同Eigeus一齊出show呢？
到了二千年，很幸運地，我們在香港的朋友力邀我們Sphere去香港為其工作的機構搞的function表演，同期有另一隊香港local band同我們爭，但最後都決定找我們演出，還向其機構力撐我們呢！為了音樂，為了我們Sphere，我們一定全力以赴，日期是8月22日，地點係小西灣文娛活動中心，而演出亦算成功！真不枉是期待之作！
到了現在，諗返轉頭，原來我們一齊組band已差唔多5年！而我的大學生涯亦在二千年六月中結束，我已訂下目標，就是當我完成學業後，會放多些時間去彈guitar，創作歌曲(如可能)，upgrade自己的skill，再唔會有籍口唔去練習！心想一定能做到！
guitarist - Eureka Sphere - 2000
|
eureka
rehersal ... tuning guitar
